«Խաղաղասիրության» ռեկորդներ

Նոր տարվա սկիզբը՝ Նիկոլ Փաշինյանի կատարմամբ օրինակելի «հանդուրժողականության» նոր դրսևորում։ Հավանաբար, վարչապետի պահվածքը տարածաշրջանային ասպարեզում նույնիսկ արժանի է «Համազգային փալասի» կոչմանը: Հենց այս կերպարն է գալիս հայերի մեծամասնության մտքին այն բանից հետո, երբ Փաշինյանն արդեն հասցրել է ջանասիրաբար Բաքվի բանավոր ապտակներին դարձնել իր երկու այտերը և ոչ միայն։

Դատեք ինքներդ՝ Ադրբեջանի նախագահը տեղական լրատվամիջոցներին տված հարցազրույցում բացել է Պոլիշինելի գաղտնիքը և հստակեցրել բոլոր հարցերը: Ալիևի հիմնարար դիրքորոշումը հետևյալն է՝ Հայաստանը՝ «թշնամի» է, «սպառնալիք տարածաշրջանի համար» և «ֆաշիստական պետություն»: Հայաստանի ինքնիշխան տարածքը հարգելու մասին խոսելն անգամ ավելորդ է: Ադրբեջանի ղեկավարը համառությամբ, որն արժանի է ավելի լավ կիրառման, առաջ է տանում այսպես կոչված «Զանգեզուրի միջանցքի» բացման անվիճարկելի լինելու մասին նարատիվը։ Պետք չէ լինել հմուտ պետական գործիչ կամ ստրատեգ` Ալիևի հռետորաբանության մեջ տեսնելու համար իր հարևանի նկատմամբ լիակատար թշնամանքը, որը բացառում է խաղաղ բանակցությունները։ Իսկ եթե իրերն իրենց անուններով կոչենք, ապա լրագրողների առջև այդ չարաբաստիկ ելույթում հավաքված է կոմբո՝ Հայաստանի համար էքզիստենցիալ վտանգներ, Հարավային Կովկասում լարվածության էսկալացիայի համար տեղեկատվական հողի նախապատրաստում և տարածաշրջանի ռազմականացում:

Իսկ ի՞նչ պատասխան տվեց Ալիևի հարձակմանը թուրքական պարետ Փաշինյանը։ Թեև դա պատասխան անվանել, իհարկե, չի կարելի։ Աշնանային «սափրիչը» որոշեց սահմանափակվել «եկեք ապրենք խաղաղ» ոճի հայտարարություններով և նման այլ զառանցանքներով՝ «Մենք կօգտագործենք ոչ թե ագրեսիայի, այլ երկխոսության լեզուն։ Մենք կշարունակենք կենտրոնանալ սահմանազատման, խաղաղության պայմանագրի տեքստի համաձայնեցման, «Խաղաղության խաչմերուկ» նախագծի իրականացման, հումանիտար հարցերի, այդ թվում՝ անհայտ կորածների ճակատագրերի պարզաբանման խնդիրների վրա»։ Կարծես ինչ-որ մեկը մոռացել է երդման տեքստը, որտեղ, ի թիվս այլ բաների, ասվում է, որ վարչապետը պետք է նպաստի Հայաստանի Հանրապետության ինքնիշխանության և շահերի պահպանմանը։ Չնայած, Նիկոլ-Փաշան վաղուց ունի զարգացող քաղաքական ամնեզիա։ Կապը կորել է։ Նման բաներ պատահում են «Խաղաղության խաչմերուկի» շրջակայքում։